64 բիտանոց բջջային պրոցեսորների մատակարարումը 2014-ի վերջին կհասնի 182 միլիոնի, որից  80%-ը բաժին կընկնի Apple-ի սմարթֆոններին ու պլանշետներին: Այս մասին հաղորդում է ABI Research վերլուծական ընկերությունը:

Android օպերացիոն համակարգով աշխատող 64-բիտանոց չիպերի թողարկումը սպասվում է այս տարվա երկրորդ կեսին, և նախատեսվում է, որ դրանց թիվը տարեվերջին կկազմի միայն 20%, սակայն այս ցուցանիշը մինչև 2018թ. կհասնի 60%-ի:

ABI Research-ի կանխատեսմամբ՝ 64-բիտային չիպերի մատակարարումը 2018-ին կհասնի 1,12 միլիարդի և կկազմի սմարթֆոնների ու պլանշետների ընդհանուր թվի 55%-ը:

Վերլուծաբանները նշել են նաև, որ ամենատարածվածը կմնա ARM տեսակի չիպը:

Աղբյուրը՝ infoworld.com