16:09 Apple-ը iPhone-ին եւ iPad-ին հետեւելու նոր համակարգ է մշակում | |
Apple ընկերությունը նախատեսում է բջջային հեռախոսների հավելվածներ մշակողների համար նոր որոշում կայացնել, որը հնարավորություն կտա հետեւել օգտատերերի կողմից իրենց մշակումների օգտագործմանը: Նորույթը հավասարակշռություն է ապահովում մի կողմից օգտատերերի տվյալների բազայում մշակողների շահերի եւ դրանից ստացված հասույթի, մյուս կողմից օգտատերերի մասնավոր կյանքի անձեռնմխելիության միջեւ, հաղորդում է The Wall Street Journal-ը` վկայակոչելով Apple-ում իր աղբյուրները: Apple-ի աղբյուրները նշում են, որ մշակումը ավելի լավ է պաշտպանում օգտատերերի մասնավոր շփումները, քան ներկայումս գործող տեխնոլոգիաները: Դեռեւս նախորդ տարի Apple-ը հայտարարել էր, որ արգելափակելու է հավելվածները, որոնք մշակողներին թույլ են տալիս տվյալներ ստանալ iPhone-ի եւ iPad-ի յուրահատուկ իդենտիֆիկատորների վերաբերյալ, ինչը հնարավորություն է տալիս հետեւել , թե ինչպես է օգտագործվում սմարթֆոնը: «Դեռեւս Apple-ն այնքան էլ ագրեսիվ կերպով չի իրականացնում այդ քաղաքականությունը»,-գրում է CyberSecurity.ru-ն: | |
|
Մեկնաբանություններն ընդամենը՝: 0 | |